Barcelona ka arritur një fitore të rëndësishme në javën e nëntë të La Ligës, duke mposhtur në shtëpi Gironën me rezultat 2–1.
Vendasit kaluan në epërsi në minutën e 30-të, kur Pedri realizoi pas një asisti të Lamine Yamal shkruan Gazeta Express.
Vetëm shtatë minuta më vonë, Axel Witsel barazoi rezultatin për mysafirët, duke e dërguar ndeshjen në pushim me shifrat 1–1.
Pjesa e dytë solli shumë përpjekje nga të dyja skuadrat, por goli vendimtar erdhi vetëm në minutën e 93-të, kur Ronald Araujo u shfaq si hero, duke realizuar golin e fitores dhe të tri pikëve të arta për katalanasit.
Me këtë fitore, Barcelona ngjitet përkohësisht në krye të tabelës me 22 pikë, një më shumë se Real Madridi, i cili luan nesër. Ndërkohë, Girona mbetet në zonën e ftohtë të renditjes me vetëm 6 pikë.
