Prokuroria Speciale e Republikës së Kosovës ka arrestuar sot një person me inicialet A.B. nën dyshimin për shpëlarje parash.

Ai u ndalua për 48 orë dhe dyshohet se paratë e përfituara përmes mashtrimeve të qytetarëve të ndryshëm në Republikën e Gjermanisë dhe në Republikën e Kosovës, i kishte deponuar në formë të parasë së gatshme në llogaritë bankare të subjekteve në pronësi të tij.

Brenda afatit të paraparë ligjor, Prokuroria Speciale tha se do të paraqesë kërkesën për caktimin e masës së paraburgimit në Gjykatën Themelore të Prishtinës, Departamenti Special.