Vajza 19-vjeçare e boksierit Floyd Mayweather, Iyanna është arrestuar për sulm të rëndë me armë vdekjeprurëse, pasi kishte goditur një grua për motive xhelozie.

Iyanna ishte në një lidhje me reperin NBA Youngboy, por kur kishte shkuar në shtëpinë e ti, e kishte gjetur nën shoqërinë e një femre tjetër, që ishte njëkohësisht mamaja e njërit prej 5 fëmijëve të këngëtarit.

Nuk dihet ende se si u zhvilluan ngjarjet më pas, por dëshmitarët që arritën të jenë të parët aty, tregojnë se e gjetën viktimën Lapattra Lashai Jacobs në gjendje të rëndë shëndetësore, ndërsa aktualisht nuk dihet asgjë për të.

Vetë vajza e boksierit të njohur momentalisht ndodhet në një burg në Houston, ndërsa arrestimi i saj vjen më pak se një muaj nga koha kur humbi të ëmën Josie Harris, e gjetur e vdekur jashtë banesës së saj në Los Angeles.