Arsenali ka konfirmuar listën e lojtarëve që mbeten në klub – me një listë të gjatë të lojtarëve që kanë përfunduar kontratat e tyre.

Skuadra e Mikel Arteta-s ka pasur disa kontrata që skadojnë këtë verë, me disa lojtarë huazimi që gjithashtu pritet të kthehen në klubet e tyre.

Në mesin e tyre është mesfushori Jorginho, i cili ka konfirmuar tashmë largimin e tij në fund të kontratës për t’iu bashkuar skuadrës braziliane Flamengo.

Ai kryeson listën e pesë largimeve të ekipit të parë për meshkuj, si dhe një numër të madh lojtarësh nga ekipi i rezervave dhe akademisë.

Kieran Tierney dhe Nathan Butler-Oyedeji gjithashtu do të largohen, ndërsa Neto dhe Raheem Sterling do të kthehen te Bournemouth dhe Chelsea respektivisht pas përfundimit të huazimeve.

Butler-Oyedeji bëri dy paraqitje me ekipin e parë këtë sezon dhe, për shkak të lëndimeve, ishte në një moment i vetmi sulmues i gatshëm i klubit.

Klubi ka konfirmuar gjithashtu se është ende në bisedime me mesfushorin Thomas Partey, i cili është titullari më i rregullt nga lojtarët pa kontratë, për të ardhmen e tij.

Arteta u tha gazetarëve para ndeshjes së fundit të Arsenalit në Premier League:

“Sa i përket Thomasit, ky ka qenë sezoni i tij më i mirë për nga vazhdimësia. Mënyra si ka luajtur, paraqitur dhe gatishmëria e tij kanë qenë të jashtëzakonshme. Ai është një lojtar shumë i rëndësishëm për ne.”

Këta janë lojtarët meshkuj të ekipit të parë dhe akademisë s’pritet të jenë më pjesë e Arsenalit:

Nathan Butler-Oyedeji

Reece Clairmont

Khayon Edwards

Jakai Fisher

Romari Forde

Jimi Gower

Jack Henry-Francis

Max Kuczynski

Salah-Eddine Oulad M’Hand

Ismail M’Hand

Brian Okonkwo

Elian Quesada-Thorn

Zacariah Shuaib

Kieran Tierney

Për sa i përket ekipit të femrave, tre lojtare s’do të jenë më pjesë e këtij klubi pas përfundimit të kontratave të tyre.

Gunners e bënë këtë njoftim përpara finales së Ligës së Kampioneve për Femra muajin e kaluar, me Lina Hurtig, Amanda Ilestedt dhe Teyah Goldie që do të largohen nga skuadra e Renee Slegers.

Ndërkohë, Arsenali ka konfirmuar se është ende në bisedime me lojtaren e Manchester City-t, Chloe Kelly, për të ardhmen e saj.

Tifozët e Arsenalit kanë kërkuar që marrëveshja me Kelly të bëhet e përhershme, pasi ajo gjithashtu është pa kontratë te City, gjë që do t’i lejonte të luajë në Euro 2025 si një agjente e lirë.

Pas finales së Ligës së Kampioneve, ku Arsenali mundi Barcelonën 1-0, Kelly tha:

“Kush e di [nëse do të qëndroj]. Thjesht e di që kam dhënë gjithçka për klubin dhe klubi ka dhënë gjithçka për mua. Jam gjithmonë mirënjohëse.” /GazetaExpress/