Emmanuel Macron ka thënë se komentet e Donald Trump në lidhje me martesën e tij nuk ishin "as elegante dhe as në nivel” pasi presidenti amerikan përdori një theks francez dhe tallte homologun e tij francez dhe gruan e tij gjatë një dreke private në Uashington.
Me të mbërritur në Korenë e Jugut të enjten, Macron e bëri të qartë pakënaqësinë e tij ndaj komenteve të Trump, të cilat u shfaqën shkurtimisht në një video në kanalin YouTube të Shtëpisë së Bardhë përpara se të hiqeshin.
"Kështu që nuk do t'u përgjigjem atyre [komenteve të Trump] - ato nuk meritojnë përgjigje", u tha Macron gazetarëve.
Pati zemërim në France pasi Donald Trump dukej se tallej me Emmanuel Macron dhe bashkëshorten e tij gjatë një dreke të mërkurën, ku të ftuar ishin edhe udhëheqës fetarë dhe figura qeveritare në Ëashington, ndërsa ai kritikonte aleatët e NATO për mosbashkimin në luftën kundër Iran.
Duke imituar një theks francez, Trump tha se gruaja e Macron, Brigitte, "e trajton atë jashtëzakonisht keq". Duke folur për kërkesën e tij ndaj Francës për ndihmë në lidhje me Iranin, Trump tha: "Ne nuk kishim nevojë për ta, por unë kërkova gjithsesi”.
Ai shtoi: “Unë telefonoj Macronin e Francës - gruaja e të cilit e trajton jashtëzakonisht keq. Ende duke u shëruar nga goditja në nofull”.
Trump duket se po i referohej një videoje të majit 2025 që dukej se shfaqte Brigitte Macron duke i shtyrë fytyrën burrit të saj ndërsa përgatiteshin të zbrisnin nga një aeroplan në një vizitë zyrtare në Vietnam.
Në drekë, Trump vazhdoi: “Dhe unë thashë, Emmanuel, do të donim të kishim ndihmë në Gjirin Persik edhe pse po shënojmë rekorde në eliminimin e njerëzve të këqij dhe eliminimin e raketave balistike. Do të donim të kishim ndihmë. Nëse mundesh, a mund të na dërgosh anije menjëherë.”
Trump më pas u duk sikur u përpoq të përdorte një theks francez për të dhënë përgjigjen e supozuar të Macron: “‘Jo, jo, jo, nuk mund ta bëjmë këtë, Donald. Mund ta bëjmë këtë pasi të fitohet lufta,’” tha ai. “Unë thashë, jo, jo, nuk kam nevojë pasi të fitohet lufta, Emmanuel,” tha Trump.
