Florian Marku vazhdoi i pamposhtur në boks teksa mbrëmë mundi boksierin britanik, Rylan Charlton në raundin e tetë.
Edhe pse pësoi një nokdaun në raundin e gjashtë, Marku u rikthye edhe më fuqishëm duke detyruar kundërshtarin ta dorëzojë meçin në raundin e tetë.
Në raundin e dytë, Marku nisi të tallej me kundërshtarin e tij, duke i thënë: Asgjë, asgjë! Unë s’jam Joe Laws.
Laws ishte kundërshtari i Charltonit gjatë vitit 2020, ku ky i fundit kishte fituar me nokaut, shkruan Gazeta Express.
Marku vazhdoi tërë meçin duke i folur Charltonit, në mënyrë që ta dekoncentronte dhe ta nervozonte.
/Gazeta Express/
