Një arritje historike për Real Madridin dhe trajnerin e tij Álvaro Arbeloa në Ligën e Kampionëve: ai është bërë i pari trajner i klubit madrilen që i ka mundur si José Mourinhon ashtu edhe Pep Guardiolan në të njëjtën edicion të turneut, duke i fituar ndeshjet e “play‑off”‑it ndaj Benficës dhe më pas ndaj Manchester Cityt.

Ky sukses e veçon Arbeloan nga emra ikonë si Zinedine Zidane apo Carlo Ancelotti, të cilët megjithëse kanë fituar shumë trofe me klubin mbretëror, nuk arritën kurrë t’i eliminojnë të dy trajnerët e njohur në një edicion të vetëm të Championsit, shkruan “Diario Sport”, përcjell “Gazeta Express”.

Reali e mposhti fillimisht Benficën e Mourinhos me një rezultat të mirë në “play‑off” dhe më pas e dominoi Manchester Cityn e Guardiolas në ndeshjen e parë të së tetës së finales, duke e marrë një avantazh të qartë që ia dha kualifikimin për fazën e ardhshme.

Arritja e Arbeloas është vetëm e treta në histori në Champions League për një trajner që arrin të mundë të dy këta trajnerë në të njëjtin sezon — një statistikë që e vendos në një vend të rrallë mes kolegëve të tij. /Gazeta Express