Michail Antonio ishte shumë pranë vdekjes pas një aksidenti të tmerrshëm me makinë në dhjetor të vitit 2024.
Askush nuk priste që ai të luante sërish futboll, me futbollistin që kaloi një kohë të gjatë në spital.
Për përvojën e tij në aksident ka folur vetë Antonio, përcjellë “Gazeta Express”.
“Policia erdhi dhe kur më gjetën, isha mes dy sediljeve. Nuk isha në sediljen e shoferit,” tregoi ai për BBC.
“Ata thanë se dukej sikur po përpiqesha të dilja nga dritarja, por për shkak se këmba ime ishte kaq e thyer rëndë, dhimbja ndoshta më pengoi të dilja. Këmba ime ishte krejtësisht e copëtuar dhe ata më nxorën jashtë e më vendosën një mbajtëse anash makinës.”
Kohët e fundit, Antonio shkoi të shihte mbetjet e makinës së tij në skrap.
“M’u krijua një ndjesi e çuditshme në stomak. Më bëri të kuptoj sa pranë vdekjes kisha qenë. I kisha parë fotot, por ishte 10 herë më keq në realitet. Makina ishte shkatërruar plotësisht. Ishte shumë e vështirë për mua.”
Fizioterapistët e pyetën nëse kishte sigurim për lëndime që i japin fund karrierës.
“Nuk fjeta fare atë natë,” tha Antonio.
“Pjesa më e vështirë është që gati nuk isha më aty për fëmijët e mi. Kjo më ka bërë të jem më i lumtur, më pozitiv për jetën, sepse kam marrë një mundësi të dytë.”
“Gjatë gjithë kësaj periudhe, nuk ua treguam fëmijëve. Djali im i madh e pa dhe pati vështirësi ta përballonte. Është 13 vjeç, dhe natyrisht njerëzit i tregonin fotot e makinës.”
“Që nga aksidenti, jam bërë më emocional se kurrë më parë – por më duket se kjo është diçka e mirë. Terapia është një nga gjërat më të mira që më ka ndodhur në jetë.”
Mbrëmë, Michail Antonio u rikthye në fushën e futbollit./GazetaExpress/
