Aston Villa dhe Manchester United ofruan një ndeshje emocionuese në Premierligë përpara Krishtlindjeve.

Ylli i takimit ishte Morgan Rogers, i cili shënoi dy gola thuajse identikë në secilën pjesë për të siguruar fitoren e dhjetë radhazi në të gjitha kompeticionet për Villan.

Kjo fitore e shtatë radhazi në kampionat gjithashtu ka reduktuar diferencën me liderët Arsenal në vetëm tre pikë.

Manchester United, të cilët humbën kapitenin Bruno Fernandes për shkak të një dëmtimi në pjesën e parë, ndihen se mund të kishin dalë nga “Villa Park” me të paktën një pikë, por Matheus Cunha humbi një shans të shkëlqyer për të shënuar golin e dytë barazues të pasdites.

Ndeshja u mbyll 2-1 në të mirë të vendasve, për të cilët dy golat i shënoi sensacioni anglez, Rogers.

Për Unitedin shënoi Matheus Cunha.

Aston Villa me këtë fitore shkon në kuotën e 36 pikëve, tri më pak se Arsenali në vendin e parë, dhe një më pak se Manchester City në vendin e dytë.

Unitedi mbetet në vendin e shtatë me 26 pikë./GazetaExpress/