Astrit Kryeziu ka garuar sot në disiplinën 800 metra të atletikës në Lojërat Mesdhetare “Oran 2022”.

Sipas raportit nga Komiteti Olimpik i Kosovës, atleti kosovar dha maksimumin e tij, duke përfunduar me kohë 1:50.57 minuta.

Renditja e tij ishte vendi 17, ndërsa në baterinë e tij doli i pesti nga shtatë sosh.

Koha e tij nuk mjaftoi që të kualifikohet në finale, ku u kualifikuan dy të parët e baterisë së tij.

Të dielën garojnë dy atletët tjerë, Gresa Bakraqi dhe Alaudin Suma. /Gazeta Express/