Atletico Madrid planifikon të jetë aktiv në afatin kalimtar të janarit, pas emërimit të Mateu Alemany si drejtor sportiv.

Një marrëveshje e sigurt për verën e ardhshme është ajo e Nicolas Gonzalez, i cili do të transferohet përfundimisht nga Juventusi për 32 milionë euro, pasi ka përmbushur kushtet e huazimit.

Klubi synon të përforcojë krahin e majtë të mbrojtjes, për të lejuar që David Hancko të luajë si qendërmbrojtës natyral dhe për të konkurruar me Matteo Ruggeri.

Një tjetër objektiv është gjetja e zgjidhjeve për lojtarët pak të përdorur, si Javi Galan, Carlos Martin dhe Giacomo Raspadori, të cilët mund të largohen gjatë dimrit.

Me këto lëvizje, Atletico synon të stabilizojë ekipin dhe të përgatitet për gjysmën e dytë të sezonit në La Liga.