Atletico Madrid ka njoftuar se Ademola Lookman ka mbërritur në kryeqytetin spanjoll dhe pritet të bëhet lojtar i ri i Atletit, duke pritur përfundimin e testeve mjekësore dhe nënshkrimin e kontratës.

Sipas raportimeve të së dielës, Atalanta do të marrë një shumë të garantuar prej 35 milionë eurosh, me bonuse që mund të arrijnë deri në 5 milionë euro.

Mesfushori nga Nigeria pritet të nënshkruajë një kontratë katërvjeçare e gjysmë, me një pagë prej rreth 7 milionë eurosh në sezon.

“Atlético Madrid dhe Atalanta kanë arritur një marrëveshje për transferimin e ndërkombëtarit 28-vjeçar nga Nigeria, Ademola Lookman, i cili tashmë ndodhet në Madrid. Marrëveshja është në pritje të testeve mjekësore përkatëse dhe formalizimit të kontratës së tij,” thuhet në deklaratën e klubit të dielën në mbrëmje.

Lookman është përfolur për largim nga Atalanta gjatë 18 muajve të fundit, pas tregolëshit të tij në finalen e Europa League 2024.

Ai ishte afër një transferimi te Paris Saint-Germain më vonë atë vit dhe më së fundmi është lidhur me një kalim te Fenerbahçe.

Ai pritet të finalizojë largimin nga Atalanta me një kosto totale prej 40 milionë eurosh, duke e bërë këtë shitjen e pestë më të vlefshme në historinë e klubit, pas Rasmus Hojlund te Manchester United, Mateo Retegui te Al-Qadsiah, Teun Koopmeiners te Juventus dhe Cristian Romero te Tottenham./GazetaExpress/