Avokati i Popullit, Hilmi Jashari, tha se Ligji i Pagave duhet të pezullohet nga Kushtetuesja.

“Me këtë ligj nuk ka barazi. Ky ligj nuk ka arritur që të përmbush kërkesat, janë një kategori që u shkelen të drejtat. Janë mbi 15 mijë pozita që u shkelen të drejtat dhe pesë mijë të tjerë në sistemin shëndetësor”, tha ai në televizionin publik.

Sipas tij, në këtë ligj ka shumë dallime. “Një ligj duhet të jetë i saktë dhe preciz”, tha ai.

Jashari vlerësoi se kanë autorizime për të kërkuar nga Gjykata Kushtetuese për ta pezulluar ligjin.