“Bad News Eagles” ka pësuar humbje edhe në ndeshjen e dytë në “Legends Stage”.

Ekipi nga Kosova pësoi humbje 16:4 nga organizata amerikane, “FaZe Clan”, shkruan Gazeta Express.

Vlen të theksohet se kundërshtari i sotëm i BNE-s vlerësohet si më i forti në botë, pasi është i pari në ranglistë.

Kujtojmë se në “Legends Stage” një ekipi për t’u kualifikuar i duhen tri fitore nga pesë ndeshje për të kaluar në “Champions Stage”, aty ku bëhet eliminimi direkt.

Për “Bad News Eagles” sonte ishte humbja e dytë në këtë fazë nga po aq ndeshje të zhvilluara. /Gazeta Express/