Deputetja nga Unioni Social Demokrat, Duda Balje, ka thënë se ende nuk e ka ndarë mendjen nëse do ta votojë një qeveri të pakicave në krye me Albin Kurtin.

Për ta marrë këtë vendim ajo tha se pret që gjatë ditës ta zhvillojë një takim me kreun e Vetëvendosjes.

“Ende nuk e kam një vendim se a do ta votoj ose jo një qeveri të pakicave me kryeministër Kurtin, në rast se vjen puna për një qeveri të tillë. Pres që gjatë ditës të takohem me Kurtin dhe t’i sqaroj disa gjëra”.

Ndërkaq, nëse opsion është një qeveri që do të udhëhiqet nga koalicioni VV-LDK, Balje tha se për këtë do ta marrë një vendim pa e takuar fare Kurtin.