Omer Bunjaku nuk është më drejtor sportiv i Ballkanit.
Nënkampioni i Kosovës ka njoftuar përmes faqes zyrtare në rrjetet sociale se do t’i ndajë rrugët me drejtorin e deritashëm.
Kontrata mes palëve ka skaduar tashmë dhe ato nuk e gjetën gjuhën e përbashkët për vazhdimin e bashkëpunimit.
“Faleminderit, Omer Bunjaku. Pas përfundimit të kontratës me drejtorin sportiv, në mirëkuptim të ndërsjellë kemi vendosur që të mos e vazhdojmë më tej bashkëpunimin. E falënderojmë Drejtorin për kontributin e dhënë gjatë periudhës së angazhimit të tij dhe i urojmë suksese në rrugëtimin e tij të ardhshëm!”, njofton klubi Portokalli.
Bunjaku ka kontribuuar në sukseset e fundit të ekipit nga Suhareka, i cili u shpall tri herë radhazi kampioni i Kosovës dhe arriti suksese historike në garat evropian. /Gazeta Express
