Manchester City ka humbur terren të rëndësishëm në luftën për titullin kampion në Premier League, pasi është ndalur në barazim 1-1 ndaj Brighton, në ndeshjen e javës së 21-të.
Vendasit e nisën më mirë takimin dhe rrezikuan disa herë portën e Cityt, por ndërhyrjet vendimtare të Gianluigi Donnarummës shmangën golin e hershëm.
Skuadra e Pep Guardiolës reagoi gradualisht dhe kaloi në avantazh në minutën e 41-të, kur Erling Haaland realizoi saktë nga pika e bardhë pas penalltisë së fituar nga Jeremy Doku.
City pati mundësi të mbyllte ndeshjen në fillimin e pjesës së dytë, por goditja e Bernardo Silvas u ndal nga shtylla, ndërsa Haaland dhe Rayan Cherki nuk arritën të konkretizonin rastet e krijuara.
Këto humbje u ndëshkuan nga Brighton, që barazoi në minutën e 60-të me një goditje spektakolare të Kaoru Mitoma nga jashtë zone.
Në minutat e fundit, të dyja skuadrat kërkuan golin e fitores, por pa sukses. Pas këtij barazimi, Manchester City numëron 43 pikë, duke mbetur pesë pikë larg Arsenalit lider. /GazetaExpress
