Gjiganti katalunas është mjaft i kënaqur me paraqitjet e portierit gjerman në sezonet e fundit dhe për këtë po mendon ta shpërblejë atë
Marc-Andre ter Stegen mund ta nënshkruajë një kontratë të re me Barcelonën, shkruan Gazeta Express.
Portieri gjerman i ka arsyetuar mjaft mirë pritshmëritë e tij nga ana e gjigantit katalunas në sezonet e fundit.
Ai ka shfaqur stabilitet në portë dhe kjo ka bërë që kampioni aktual spanjoll të mendojë ta shpërblejë atë.
Mediumi spanjoll “Marca” shkruan se Barça e ka si prioritet vazhdimin e kontratës me Ter Stegenin.
Përfaqësuesi gjerman mund të nënshkruajë kontratë të re me klubin nga Camp Nou, me ç’rast do të lidhej me këtë klub deri në vitin 2025. /Gazeta Express/
