Drejtuesit e klubit të madh të La Ligës, Barcelona, kanë dërguar një ofertë për rinovimin e kontratës te talenti në zhvillim Shane Kluivert.

Kjo vjen si pjesë e përpjekjeve për ta lidhur të riun afatgjatë me klubin.

Sipas raportit të gazetarit të merkatos Fabrizio Romano, para skadimit të kontratës aktuale të Kluivert në verën e vitit 2026: “Pas mbushjes së 18 viteve dhe pas paraqitjeve këtë vit me Barça B, Barcelona i ka ofruar sulmuesit të talentuar një kontratë të re 3-vjeçare. Ende nuk është marrë asnjë vendim”.

Kluivert, nga ana e tij, është djali i ish-sulmuesit të Barcelonës, Patrick Kluivert, i cili kaloi gjashtë vite të frytshme në klubin katalanas.

Shane, i cili është pjesë e përfaqësueses së të rinjve të Holandës, luan kryesisht në zonën sulmuese, zakonisht nga krahët.

18-vjeçari konsiderohet nga shumë si një yll i ardhshëm, i vlerësuar për cilësitë e tij teknike dhe shumë më tepër.

Kluivert ka veshur ngjyrat e Barcelonës që nga viti 2018, kur u transferua nga akademia e klubit të madh francez, Paris Saint-Germain./GazetaExpress/