FC Barcelona po planifikon afrimin e një qendërmbrojtësi në afatin veror dhe një nga emrat që ka hyrë në radar është Marcos Senesi.

Sipas Matteo Moretto, katalanasit kanë bërë pyetje për situatën e mbrojtësit argjentinas të AFC Bournemouth.

Senesi, 28 vjeç, ka kontratë që skadon në fund të sezonit dhe pritet të largohet si lojtar i lirë në verë, çka e bën një opsion tërheqës financiarisht për Barcelonën. Ai ka qenë pjesë e rëndësishme e Bournemouth që nga transferimi nga Feyenoord në vitin 2022 dhe këtë sezon ka zhvilluar 16 ndeshje në Premier League, duke regjistruar edhe tre asistime.

Përveç Barcelonës, interes për Senesin kanë shfaqur edhe Atletico Madrid dhe Juventus, ndërsa mbetet për t’u parë nëse mbrojtësi do të përfundojë në Katalonjë në verë. /GazetaExpress