Barcelona po planifikon tashmë për lëvizjet e merkatos verore, ndërsa Drejtori i Futbollit, Deco, ka deklaruar publikisht se klubi nuk ka ndërmend të ndërmarrë veprime gjatë afatit kalimtar të janarit.

Fokus i Blaugranës pritet të jetë pozicioni i sulmuesit numër nëntë, por tani skuadra është lidhur edhe me një mesfushor kreativ.

Mesfushori në fjalë është kapiteni i Arsenalit, Martin Ødegaard.

Ish-lojtari i Real Madridit është në listën e synimeve të Barcelonës, raporton “Indykaila”, dhe pritet që klubi të bëjë përpjekje për të në verën e vitit 2026.

Sipas tyre, norvegjezi është gati për një ndryshim të madh në karrierë në moshën 26-vjeçare.

Ødegaard ka ende dy vite kontratë me Arsenalin kur të arrijë verën e ardhshme, që do të detyrojë Blaugranën të shpenzojë një shumë të konsiderueshme për një mesfushor që është në kulmin e karrierës së tij.

Me situatën aktuale, me nevojën e katalanasve për një numër nëntë dhe mungesën e hapësirës në limitin e pagave, ky transferim duket i vështirë për t’u realizuar.

Megjithatë, Barcelona mund të shesë lojtarë, të bëjë shkëmbime dhe të përpiqet të mbledhë më shumë fonde deri në qershor për ta bërë këtë mundësi më të realizueshme./GazetaExpress/