Drejtori sportiv i Barcelona, Deco, ka refuzuar të japë detaje rreth një mundësie për të transferuar sulmuesin e Atletico Madrid, Julian Alvarez, gjatë merkatos së verës.
Alvarez, 26 vjeç, ka shënuar 42 gola dhe ka dhuruar 14 asistime në 94 paraqitje për Atletico që nga ardhja e tij, por nuk ka gjetur rrjetën në La Liga që nga nëntori dhe kohët e fundit ka qëndruar në stol. Ai është monitoruar edhe nga Arsenal dhe Chelsea, ndërsa më parë luajti për Manchester City, ku regjistroi 36 gola dhe 19 asistime në 103 ndeshje.
Deco u shpreh:
“Nuk kemi biseduar me asnjë klub apo lojtar. Edhe nëse na pëlqen dikush, tani nuk është koha. Jemi të kënaqur me skuadrën që kemi. Ka shumë lojtarë që na pëlqejnë.”
Ndërkohë, drejtuesi i bordit të Barcelonës, Joan Soler, ka theksuar se klubi mund të realizojë transferime si ato të Alvarez apo Erling Haaland, pavarësisht sfidave financiare:
“Këto transferime do të paguajnë vetveten brenda pesë viteve. Barcelona duhet të jetë e kujdesshme me strukturën e pagave, por jemi gati për këto opsione.”
Barcelona vazhdon të monitorojë situatën e Alvarez dhe do të vendosë strategjinë për merkato në bazë të objektivave të klubit dhe largimit të Robert Lewandowski këtë verë. /GazetaExpress
