Barcelona nuk arriti të nënshkruajë me Jonathan Tah këtë verë, pavarësisht raporteve se kishte një marrëveshje me mbrojtësin gjerman, për shkak të qëndrimit të Ronald Araujos në klub. Megjithatë, askush nuk e kishte parashikuar largimin e Iñigo Martínez, i cili ka shtuar pasiguri të mëtejshme në repartin e mbrojtjes.

Duket se Barcelona nuk ka ende besim të plotë te Araujo si partneri afatgjatë pranë Pau Cubarsí, me uruguaianin që janë bërë dy vite që nga hera e fundit kur ka pasur formë të qëndrueshme. Andreas Christensen është në fund të kontratës verën e ardhshme, ndërsa Jules Koundé dhe Eric García së fundmi kanë treguar paraqitjet më të mira duke luajtur si mbrojtës të djathtë. Sipas Mundo Deportivo, edhe pse aktualisht nuk ka mjete financiare për një transferim, Barcelona po mban nën vëzhgim disa opsione në rast se do të kenë mundësi dhe nevojë për një qendërmbrojtës vitin e ardhshëm.

Në muajt e fundit, Barcelona është lidhur me talentin e Palmeiras, Luiz Benedetti, i cili pritet të bëjë hapin drejt Europës së shpejti. Megjithatë, për 19-vjeçarin brazilian ka interes edhe nga Arsenal dhe Napoli, që mund të sjellin konkurrencë të fortë. Një tjetër opsion që nuk pritet të kushtojë shumë është Lucas Beraldo i Paris Saint-Germain. Edhe ky një mbrojtës i ri brazilian, por mungesa e hapësirës për shkak të pranisë së Willian Pacho dhe Marquinhos e ka lënë jashtë planeve.

Emri që mund të jetë më i theksuar është ai i Marc Guéhi nga Crystal Palace. Real Madrid po e ndjek, ndërsa Liverpool ka tentuar tashmë ta transferojë. Për Barcelonën ai mund të jetë një rast i ngjashëm me Tah, pasi bëhet lojtar i lirë verën e ardhshme.

Një tjetër mbrojtës që shpesh përmendet në lidhje me Barcelonën është Murillo i Nottingham Forest. 23-vjeçari është bërë pjesë e kombëtares së Brazilit dhe ka tërhequr interes nga disa klube të mëdha, por Forest nuk ka arsye ta shesë lirë. Po ashtu, Gonçalo Inácio i Sporting CP është një tjetër emër në radarët e drejtorit sportiv, Deco. Ai së fundmi është takuar me agjentin e Inácio-s, i cili ka kontratë deri në vitin 2027, çka do të thotë se portugezët mund të jenë të gatshëm për shitje verën e ardhshme./GazetaExpress/