FC Barcelona vazhdon të presë përgjigjen zyrtare nga Këshilli i Qytetit për licencën 1C, e cila do t’i lejonte rritjen e kapacitetit të Spotify Camp Nou në 62 mijë ulëse.

Klubi katalanas ka dorëzuar prej javësh të gjithë dokumentacionin e nevojshëm dhe synon hapjen e tribunës “Gol Nord”, ndërsa ka nisur edhe procesin për shitjen e rreth 14 mijë vendeve të reja sezonale për anëtarët.

Sipas raportimeve, licenca nuk do të jetë gati për gjysmëfinalen e kthimit të Kupës ndaj Atlético Madrid më 3 mars, por brenda klubit ka optimizëm që gjithçka të mbyllet para ndeshjes së 15 marsit ndaj Sevilla FC.

Nëse nuk ka vonesa të tjera dhe kalendari nuk ndryshon për shkak të Ligës së Kampionëve, sfida ndaj Sevillës mund të shndërrohet në një ditë feste të dyfishtë për Barcelonën, pasi në të njëjtën datë do të mbahen edhe zgjedhjet presidenciale të klubit. /GazetaExpress