Barcelona pritet t’i japë La Ligas konfirmimin të martën për vendin ku do të zhvillojë ndeshjen e parë si vendas këtë sezon, me Valencian që viziton skuadrën të dielën në mbrëmje.

Megjithatë, duket se vonesa të mëtejshme janë në horizont për rikthimin e tyre në “Camp Nou”, i cili ishte planifikuar për këtë ndeshje kundër “Los Che”.

Barcelona ende nuk ka marrë certifikatën e përfundimit të punimeve për dy tribunat e stadiumit, të cilat planifikojnë t’i hapin me një kapacitet prej 27,000 tifozësh.

Pa këtë certifikatë, ata nuk mund të aplikojnë për licencën e hapjes nga Këshilli, duke vonuar çdo synim për të rihapur “Camp Nou”.

Si pasojë, sipas “Cadena SER”, mundësitë që Barcelona të rikthehet në “Camp Nou” para pushimit ndërkombëtar të tetorit janë minimale, duke i afruar në një vonesë prej pothuajse një viti. Fillimisht, stadiumi pritej të hapej për 60,000 tifozë.

Barcelona ka tre ndeshje La Liga si vendas (kundër Valencia, Getafe dhe Real Sociedad) para pushimit ndërkombëtar, dhe një ndeshje të Ligës së Kampionëve (kundër Paris Saint-Germain). Ndërsa po i trajtojnë këto sfida një nga një, katalanasit nuk janë optimistë se do të jenë në “Camp Nou” për asnjërën prej tyre.

Parashikohet që La Liga të miratojë kërkesën për të luajtur ndaj Valencias në “Estadi Johan Cruyff”, në qendrën e tyre stërvitore, me një kapacitet prej 6,000 vendesh.

Ata nuk mund të përdorin “Montjuicin” për shkak të një koncerti të Post Malone të premten.

Pas kësaj ndeshjeje, plani i Barcelonës është që sfidat ndaj Getafes, Real Sociedad dhe PSG të zhvillohen në “Estadi Olímpic Lluís Companys”.

Kjo përbën një pengesë tjetër për “Blaugranat” dhe është edhe një humbje financiare.

Barcelona mund të gjenerojë deri në 4–8 milionë euro për çdo ditë ndeshjeje në “Camp Nou”, varësisht nga ndeshja, dhe megjithëse ky shifër do të ulet me kapacitetin e reduktuar, shpenzimet për organizimin e ndeshjeve në “Montjuic” dhe humbja e të ardhurave shtesë nga “Camp Nou” do të ndikojnë në bilancin e klubit./GazetaExpress/