Malisheva e ka pësuar humbjen më të rëndë në garat europiane.
Pasi pësoi minimalisht 0:1 në stadiumin “Fadil Vokrri” në Prishtinë, Malisheva shkoi me optimizëm për në Islandë në përballjen ndaj Vikingur Reykjavik.
Por, doli komplet tjetër gjë.
Malisheva u mposht thellë 8:0 duke u eliminuar me kokën poshtë nga garat europiane.
E pas kësaj humbjeje ka reaguar trajneri i Llapit, Tahir Batatina.
Reagimi i tij, pa ndërhyrje:
Në Evropë nuk ka aleanca – atje luhen ndeshje të vërteta futbolli. Merr edhe 8 gola dhe turpërohesh nga skuadra që në vlerë është e barabartë me klubet tona.
