Bayern Munich është kualifikuar në 1/8 e finales në DFB Pokal apo Kupën e Gjermanisë.

Bavarezët triumfuan 1:4 me përmbysje në udhëtim ndaj Koln, shkruan Gazeta Express.

Ache kaloi Kolnin në epërsi në minutën e 31-të të ndeshjes, por kjo ishte krejt çfarë arritën të bënin.

Luis Diaz barazoi shifrat në minutën e 36-të, kurse dy minuta më pas Kane përmbysi rezultatin.

Sulmuesi anglez u shfaq në skenë sërish në minutën e 64-të për të shënuar për 1:3.

E për epilogun e këtij takimi u përkujdes Olise në minutën e 72-të.

Kësisoj, përveç Bundesligës, Bayern Munich vazhdon rrugëtimin edhe për një trofe tjetër në Gjermani këtë edicion.