Bayern Munich është klubi më i fundit i madh evropian që ka shfaqur interes për transferimin e sulmuesit të Athletic Club, Nico Ëilliams. Vincent Kompany po shqyrton opsionet e tij, pasi duket se do të humbasë garën me Liverpoolin për Florian Ëirtz të Bayer Leverkusen.

Bavarezët po ashtu presin largimin e Leroy Sane si lojtar i lirë dhe Ëilliams mund të jetë zëvendësuesi ideal për reprezentuesin gjerman. Barcelona e kërkoi Ëilliams verën e kaluar, por Hansi Flick nuk pritet të ringjallë interesin, pasi synon të përqendrohet tek Luis Diaz.

Kalimi i Ëirtz te Liverpool mund të shkaktojë një efekt zinxhir dhe sipas ekspertit të merkatos Christian Falk, Bayern Munich është gati të rivalizojë Arsenalin për 22-vjeçarin. Falk thekson se Ëilliams është përfshirë në listën e ngushtë të Kompany-t, së bashku me emra të tjerë nga Premier League.

“Bayern Munich po kërkon një anësor të majtë. Kandidatët aktualë janë Cody Gakpo (Liverpool), Kaoru Mitoma (Brighton), Nico Ëilliams (Athletic Club) dhe Eberechi Eze (Crystal Palace),” tha ai. “Thashethemet e para që Bayern ishte seriozisht i interesuar për Gakpo dolën në mars. Meqë Ëirtz nuk po vjen, do të vazhdojnë me sistemin e tyre me dy anësorë dhe Jamal Musiala në qendër.”

Ndërkohë, Mikel Arteta po planifikon një rinovim te Arsenali, me Martin Zubimendi të Real Sociedad që është pranë transferimit te “Topçinjtë”. Arteta është gati të aktivizojë klauzolën e lirimit prej 51 milionë paundësh dhe Arsenali ndodhet në një situatë të ngjashme me Ëilliams këtë verë.

Reprezentuesi i Spanjës ka gjithashtu një klauzolë largimi me një shumë të përafërt dhe është një objektiv afatgjatë i Arteta-s. Zubimendi do të jetë prioriteti i menjëhershëm për teknikun spanjoll në javët në vijim, dhe kjo mund t’i japë Bayern Munich një hapësirë për të sfiduar për Ëilliams, nëse lojtari ende nuk e ka vendosur përfundimisht kalimin në Londrën e Veriut.