BBC ka lëshuar një deklaratë publike në përgjigje të reagimeve negative nga tifozët për një titull në ekran që ‘përshkroi’ Cristiano Ronaldon gjatë “Euro 2024”.

Portugalia e Ronaldos u eliminua nga turneu të premten në mbrëmje pasi humbi nga Franca në penallti në fazën e çerekfinaleve.

Ishte ndeshja e dytë radhazi për Portugalinë që shkoi në penallti, pasi ndeshja e tyre e 1/8 së finales me Slloveninë shkoi gjithashtu në penalti pasi ndeshja mbaroi pa gola.

Gjatë asaj ndeshjeje, super-ylli i Al Nassr, Ronaldo përfundoi në lot pasi humbi një penallti në kohën shtesë dhe pati nevojë për mbështetjen e disa bashkëlojtarëve për të rimarrë qetësinë e tij.

Ronaldo më pas rikuperohet dhe shënon penaltinë e tij në goditjet e penaltive, me Portugalinë që shkoi tutje pasi portieri Diogo Costa bëri tre pritje për ekipin e tij.

BBC mori kritika nga mbështetësit e Ronaldos pas ndeshjes duke përdorur titullin "Misstiano Ronaldo" gjatë transmetimit të ndeshjes.

Ndërkohë, ish-kapiteni i Chelsea dhe Anglisë, John Terry, quajti titullin një "turp" në rrjetet sociale.

BBC tani ka lëshuar një deklaratë për titullin, duke insistuar se ishte thjesht një shaka.

Deklarata thotë (përmes The Sun): "Titulli ishte thjesht një lojë fjalësh, gjë që kemi bërë shumë herë më parë në grafikat e analizave të Match Of The Day. Nuk kishte qëllim të shkaktonte ofendim ndaj Cristiano Ronaldos”.

"Faktikisht, gjatë programit folëm me respekt për Ronaldo në disa raste, duke përfshirë:

"1. Në momentet para ndeshjes, kur Jose Fonte theksoi përkushtimin e Ronaldos në stërvitje, duke thënë se kjo është arsyeja pse 'është një nga më të mirët e të gjitha kohërave'.

"2. Në pjesën e mesditës, Gary Lineker dhe Alan Shearer bënë një analizë të gjatë për lëvizjet e Ronaldos, duke i lavdëruar ato si 'absolutisht fantastike'.

"3. Pas goditjeve të penaltive, Gary Lineker dhe Alan Shearer përmendën vullnetin dhe besimin e Ronaldos për të dalë para dhe për të marrë një penalti.

"Në asnjë moment ekspertët nuk ishin tepër kritikë ndaj Ronaldos dhe në kontekstin e programit në përgjithësi, toni ishte konsistentisht respektues ndaj tij.

"Mirëpo, ne vlerësojmë që disa spektatorë nuk ishin të kënaqur me grafikën dhe reagimet janë transmetuar tek ekipi i prodhimit për të ndihmuar në punën e tyre në të ardhmen."

Duke shpjeguar pse përufundoi në lot pas humbjes së penaltisë, Ronaldo tha për Sport TV: "Edhe njerëzit më të fortë kanë ditët e tyre, isha poshtë dhe isha i trishtuar sepse ekipi kishte nevojë për mua.

"Trishtimi fillestar dhe gëzimi në fund, kjo është ajo që sjell futbolli, momente të pashpjegueshme, nga minuta e tetë deri në të tetëdhjetën, kjo ndodh.

"Mund t’i kisha dhënë avantazhin kombëtares, por nuk e arrita, [Jan] Oblak e shpëtoi, unë nuk bëj gabim gjatë vitit, dhe kur më duhej më shumë, Oblak e priti penaltinë."

Ronaldo më pas konfirmoi se “Euro 2024” do të jetë kampionati i tij i fundit europian, ditë para eliminimit të ekipit të tij nga Franca.