Rregullatori i sigurisë së aviacionit i Bashkimit Evropian rekomandoi të enjten që linjat ajrore evropiane të qëndrojnë jashtë hapësirës ajrore iraniane deri më 31 mars, duke zgjatur një paralajmërim të mëparshëm.

“Prania dhe përdorimi i mundshëm i një game të gjerë armësh dhe sistemesh të mbrojtjes ajrore, i kombinuar me reagimet e paparashikueshme të shteteve, krijon një rrezik të lartë për fluturimet civile që operojnë në të gjitha lartësitë dhe nivelet e fluturimit”, tha Agjencia Evropiane e Sigurisë së Aviacionit në një njoftim për shtyp.

Udhëheqjet e shteteve në rajon, dhe në përgjithësi, janë të shqetësuara se prishja e negociatave midis Iranit dhe Shteteve të Bashkuara mbi programin bërthamor të Teheranit mund të shkaktojë një konflikt të gjerë ushtarak në rajon.

Irani ka theksuar se do t’i përgjigjet ashpër çdo sulmi dhe ka paralajmëruar vendet fqinje të Gjirit Arabik që strehojnë baza amerikane se mund të jenë në shënjestër nëse përfshihen në një sulm.