Këngëtarja shqiptare me famë ndërkombëtare, Bebe Rexha, ka shkaktuar emocion të madh tek fansat e saj me lajmërimin e fundit në Instagram.
Ajo ka zbuluar se klipi i këngës së saj më të re, “I’m The Drama”, do të publikohet këtë të enjte.
Në një video të shkurtër, 34-vjeçarja ka ndarë këtë lajm me ndjekësit e saj, duke i ngacmuar ata për publikimin e klipit që pritet të jetë një shpërthim vizual dhe muzikor.
“I’m The Drama” është një këngë që ka ndikuar shumë dhe ka marrë jehonë në disa festivale muzikore, përfshirë festivalin “Sunny Hill” në Kosovë.
Ky hit i fundit është një përgatitje për albumin e saj të katërt, i cili ende nuk ka marrë një titull zyrtar dhe nuk është publikuar ende.
Deri më tani, Bebe Rexha ka nxjerrë në publik dy këngë nga ky album në pritje: “I’m The Drama” dhe “Chase It”. Këto këngë kanë ndihmuar në ndërtimin e një pritshmërie të lartë për albumin e saj të ardhshëm.
Të apasionuarit pas muzikës së Bebe Rexhës do të kenë mundësinë të shikojnë klipin e ri të “I’m The Drama” këtë të enjte dhe të përjetojnë një tjetër dimension të krijimtarisë së saj artistike.
