Luka Doncic po transferohet nga Dallas Mavericks te Los Angeles Lakers në një marrëveshje tronditëse të NBA-së, sipas ESPN dhe Associated Press.

Donçiç, Maxi Kleber dhe Markieff Morris po shkojnë te Lakers, ndërsa Anthony Davis dhe Max Christie po kalojnë te Dallas – kampionët në fuqi të Konferencës Perëndimore – tha një burim për AP në kushte anonimiteti, pasi asnjë nga ekipet nuk mund ta shpallë marrëveshjen pa miratimin e ligës.

Utah Jazz janë gjithashtu të përfshirë në marrëveshje, sipas burimit të AP.

ESPN, që raportoi i pari për këtë transferim, tha se Jalen Hood-Schifino dhe dy zgjedhje të ardhshme në draft do të kalojnë te Jazz.

Kjo është një marrëveshje e jashtëzakonshme, ku Donçiç do të bashkohet me LeBron James në Los Angeles, ndërsa Davis do të shkojë në Dallas për t’u partnerizuar me Kyrie Irving.

"Unë besoj se mbrojtja fiton kampionate," tha menaxheri i përgjithshëm i Mavericks, Nico Harrison, për ESPN.

"Besoj se marrja e një qendre elitare mbrojtëse dhe e një lojtari të përzgjedhur në All-NBA me mentalitet mbrojtës na jep një shans më të madh. Ne jemi ndërtuar për të fituar tani dhe në të ardhmen."