Boksieri kosovar, Patriot Behrami nuk arriti t’i vazhdojë garat e boksit në turneun kualifikues evropian për Lojërat Olimpike “Tokyo 2020”, që po mbahet në Londër të Britanisë së Madhe.

Boksieri 20-vjeçar u mund nga francezi Wahid Hambli, 29-vjeçar, në luftën e parë të kategorisë deri në 69 kilogramë.

Nesër garon boksieria më e mirë kosovare, Donjeta Sadiku, në 1/8 e finales së kategorisë -60 kg. /Gazeta Express/