Jude Bellingham është suspenduar me një ndeshje moslojë nga UEFA, pas gjestit që bëri pas shënimit të golit.

Kjo u konfirmua nga Komisioni Disiplinor i UEFA-s, transmeton Gazeta Express.

Bellingham gjithashtu u gjobit edhe me 30 mijë euro.

"Të gjobitet lojtari i Shoqatës Angleze të Futbollit, Jude Bellingham, me 30,000 euro dhe të pezullohet për një total prej një ndeshjeje të garave të UEFA-s për të cilat ai do të ishte përndryshe i përshtatshëm për shkeljen e rregullave themelore të sjelljes së ndershme. Pezullimi i thënë nuk zbatohet menjëherë dhe është subjekt i një periudhe prove prej një (1) viti, duke filluar nga data e këtij vendimi", thuhej në njoftim.

Anglia përballet me Zvicrën nesër në çerekfinalen e Euro 2024.