Gazetarja Evliana Berani ka komentuar në emisionin #gjesi në Televizionin T7, situatën politike në vend dhe bisedimet për koalicion në mes të Lëvizjes Vetëvendosje dhe Lidhjes Demokratike të Kosovës, raporton Gazeta Express.

Berani thotë se dy partitë janë të ndryshme, sidomos elektoratet e anëtarësia e këtyre dy subjekteve. Ajo shton se kjo vërehet më së shumti në deklarimet e fundit, që tregojnë se i frikësohen njëra-tjetrës.

“Fakti që kanë rezerva në raport me njëri-tjetrin, sidomos elektoratet por edhe anëtarësia e këtyre partive, shihet se ia kanë në një shkallë frikën, unë besoj që do ta gjejnë forcën që t’i tejkalojnë. Ajo që Kosova ka nevojë janë institucionet e konsoliduara që të votojnë buxhetin”, ka thënë Berani.

Ajo u ka bërë thirrje Albin Kurtit dhe Isa Mustafës që të bëjnë sa më shpejt marrëveshje.

“I ftoj z. Kurti dhe z. Mustfa që të mos bëjnë hajgare me njerëzit, të ulen sot dhe të arrijnë një marrëveshje, janë punët shumë më të mëdha se që janë këto poste, të ulen ta kenë këtë atë guxim”, shtoi Berani. /GazetaExpress/