Dardan Berisha ka uruar KB Pejën për titullin e kampionit të fituar në Superligën e Kosovës.
Pejanët triumfuan ndaj Trepçës mbrëmë në ndeshjen e pestë dhe vendimtare të finales së “play-offit” me rezultat 93:91, për ta rikthyer titullin në Rrafshin e Dukagjinit pas një dekade, shkruan Gazeta Express.
Për Pejën ishte ky titulli i shtatë në historinë e klubit.
"Verdhezinjtë" sot janë uruar edhe nga ish-basketbollisti i tyre, Dardan Berisha, i cili sezonin e kaluar e rikthye te Sigal Prishtina.
Ai theksoi se Peja e fitoi titullin me meritë, teksa paralajmëroi se sezoni i ardhshëm do të jetë flakë.
Postimi i plotë nga Berisha:
"Urime KB Peja dhe qyteti i Pejes per titullin kampion me plot merite!
2023/2024 🔥". /Gazeta Express/
