Bernardo Silva ka lënë të kuptohet se do të largohet nga Manchester City në fund të kontratës së tij dhe tashmë Juventus dhe Milan janë futur në garë për të.

Mesfushori portugez ka përjashtuar një kalim në Arabinë Saudite dhe dëshiron të qëndrojë në Evropë, sipas Calciomercato.

Megjithatë, një transferim në Serie A nuk do të jetë i lehtë. Silva fiton rreth 10 milionë euro neto te City dhe do të duhet të pranojë një pagë më të ulët për të luajtur në Itali.

Në moshën 31 vjeç, ai ende nuk ka humbur nivelin e lartë, por kjo e bën kërkesën e tij ekonomike të lartë dhe e vështirë për klubet italiane.

Pavarësisht sfidave, cilësitë teknike të Silvës e bëjnë atë një objektiv shumë tërheqës, sidomos për Juventusin, që ka nevojë për një lider kreativ në mesfushë. /GazetaExpress/