Dy vite më parë, Besi dhe Xhensila ishin të pranishëm në “Dua të të bëj të lumtur”, ku edhe pse e dinin që Ajka ishte rrugës, asokohe nuk thanë gjë publikisht. Dje Besi u rikthye në emision, kësaj radhe si një baba i përkushtuar dhe i gatshëm të flasë hapur për eksperiencën me vajzën e tij, Ajkën. Siç tregon ai, pas ardhjes së Ajkës në jetë, ai ndihet shumë i pasur.

“Njeriu duhet të mbushë shpirtin dhe jo të mbushë ditën. Kështu që sot jam realisht shumë i pasur në shpirt, jam shumë i pasur në dashuri”, -është shprehur Besi në lidhje me Ajkën.

Po jeta në çift si ka ndryshuar pasi Besi dhe Xhensila u bënë prindër?

“Patjetër që ndryshojnë gjërat. Ti je pak më i kushtëzuar, përkushtimi duhet të jetë pak më i madh. Por, mbi të gjitha ka rëndësi harmonia. Ajo ngrohtësia kur ne ulemi tek oxhaku me Xhensilën, kemi edhe Ajkën dhe themi: “Çfarë paskemi humbur!” –ka rrëfyer ai.

Për sa u përket planeve për një fëmijë tjetër, Besi ka treguar se aktualisht janë duke shijuar Ajkën.

“Për momentin jemi me Ajkën dhe t’i marrim ajkën Ajkës dhe pastaj të nisim kajmakun”, -është shprehur me humor Besi.