Real Betisi po i vazhdon përpjekjet për të nënshkruar prapë me Antonyn nga Manchester Unitedi, por koha po kalon, si për klubin, ashtu edhe për lojtarin – me të dy palët që dëshpërimisht duan të ribashkohen.  

Gjatë kësaj jave, Betisi e kishte dërguar një delegacion në Angli, për të tentuar arritjen e marrëveshjes me Manchester Unitedin.

Një ofertë e dytë u dërgua të hënën, pas së cilës bisedimet kanë vazhduar.

Ishte raportuar nga “The Athletic” se dy klubet kishin arritur një marrëveshje permanente për 25-vjeçarin.

Betisi dhe Unitedi kishin arritur një marrëveshje për një pako që shkonte deri në 28 milionë euro, me klubin anglez që do të mbante 50% të shitjes në të ardhmen.

Megjithatë, duket se kjo më nuk është çështja, me “Los Verdiblancos” që mbrëmë lëshuan një komunikatë.

 “Nuk ka asnjë marrëveshje për Antonyn dhe ne e kemi tërhequr ofertën. Nuk mund ta përballojmë shifrën e kërkuar nga Unitedi, që klubi anglez duhet ta paguajë lojtarin para transferimit”, thotë klubi.

Tani kanë mbetur vetëm tri ditë deri në mbylljen e merkatos së transferimeve, dhe ka shumë gjëra që duhet bërë deri në rikthimin e Antonyt te Betisi.

Braziliani e ka në prioritet rikthimin në “Benito Villamarin”, por edhe ai – si dy klubet – duhet të arrijë kompromise për t’u mbyllur marrëveshja./GazetaExpress/