Presidenti i SHBA-së, Donald Trump po zhvillon një bisedë telefonike me homologun ukrainas Volodymyr Zelensky. Kjo u raportua nga gazetari i Axios, Barak Ravid, por nuk ka ende detaje mbi bisedën.

Komunikimi telefonik i tyre vjen në vazhdën e bisedimeve për t’i dhënë fund luftës në Ukrainë.

Zelenksy njoftoi më herët se, të enjten kreu i delegacionit negociues ukrainas, Rustem Umerov, do të takohet me palën amerikane dhe do të diskutojë tre çështje aktuale për Ukrainën.

Palët do të përgatiten për një takim tre palësh më pas me pjesëmarrjen e zyrtarëve rusë, që pritet të mbahet në fillim të marsit. /Panorama