Rashford realizoi një dopietë të paharrueshme për skuadrën e Hansi Flick.
Rasmus Hojlund dhe tre lojtarë që ishin pjesë e ‘bomb squad’ të Manchester United kanë reaguar ndaj paraqitjes spektakolare të Marcus Rashford për Barcelonën në hapjen e tyre të Ligës së Kampionëve kundër Newcastle.
Rashford, i cili iu bashkua klubit katalanas nga United këtë verë në formë huazimi njëvjeçar, u largua nga St James’ Park me çmimin Lojtari i Ndeshjes.
27-vjeçari hapi serinë e golave me një goditje me kokë, për të shënuar pak minuta më vonë një tjetër me një goditje të pandalshme nga jashtë zonës.
“E dija në momentin që e godita se portierit do t’i duhej shumë për ta ndalur,” tha ai për TNT.
Shumë kanë lavdëruar Rashfordin, përfshirë edhe trajnerin e Barcelonës, Hansi Flick, i cili e përshkroi atë si një “lojtar të jashtëzakonshëm” pas fitores 2-1.
Top 3 is killing me, Hojlund legit just lost like 5mins ago ahsjsbshsjchdjjx pic.twitter.com/lpUPu2DgoF
“Nuk jam i befasuar,” tha Flick pas ndeshjes. “Ai është një lojtar fantastik, aftësitë e tij janë të pabesueshme, përfundimi i tij është i jashtëzakonshëm dhe është kaq i rëndësishëm për ne. Na duhet një lojtar si ai. Ka cilësi të madhe. Dy gola kundër Newcastle janë fantastikë për vetëbesimin e tij. Por është vetëm hapi i parë.”
Përveç trajnerit, edhe lojtarët që ishin përfshirë në ‘bomb squad’ e Ruben Amorim këtë verë kanë reaguar ndaj paraqitjes së Rashford.
Alejandro Garnacho, që u largua te Chelsea në ditët e fundit të merkatos, komentoi në postimin e Rashford: “Wow!” i shoqëruar me tre emoji.
Antony reagoi gjithashtu me tre emoji.
Jadon Sancho i dedikoi një Instagram story ish-bashkëlojtarit, duke publikuar një foto të golit të tij të dytë me dy emoji.
Ndërkohë, Rasmus Hojlund, që u huazua te Napoli me detyrim blerjeje prej 38 milionë £ nëse ata kualifikohen në Ligën e Kampionëve, ndonëse nuk ishte pjesë e ‘bomb squad’, gjithashtu la një koment:
“Shumë mirë Marcus [emoji zemre]”.
Duke folur pas ndeshjes, Rashford zbuloi ambiciet e Barcelonës për këtë sezon në Ligën e Kampionëve:
“Qëllimi është vetëm ta fitojmë. Asgjë tjetër nuk kemi në mendje. E dimë sa e vështirë është kjo garë. Të luash për Barcelonën është një përvojë e jashtëzakonshme. Kam qenë gjithmonë një admirues i madh i Barcelonës. Duam të fitojmë sa më shumë që të jetë e mundur.”
“Jam plot emocion. Jam shumë i motivuar dhe i vendosur. Cilësia që kemi në skuadër më entuziazmon. Është vërtet freskuese të luash me këta lojtarë”, shtoi ai. /GazetaExpress/
