Skuadra e Bashkimit ka pësuar një humbje të papritur të shtunën mbrëma, në kuadër të xhiros së 14-të të Superligës së basketbollit të Kosovës.

Në palestrën “Sezai Surroi”, Bora arriti një fitore shumë të vlefshme ndaj vendasve me rezultat të ngushtë 85:83.

Bashkimi e nisi më mirë takimin duke fituar çerekun e parë me dy pikë epërsi (20:18), por Bora reagoi fuqishëm më pas.

Mysafirët dominuan çerekun e dytë, të cilin e fituan bindshëm 22:11, ndërsa vazhduan me lojë të qëndrueshme edhe në pjesën e dytë, duke triumfuar në çerekun e tretë 25:23 dhe në të fundit 20:19, për të siguruar fitoren.

Shaquan Jules ishte lojtari më efikas te Bora me 19 pikë dhe gjashtë kërcime, ndërsa kontribut të rëndësishëm dha edhe Alex Hunter me 19 pikë, pesë kërcime dhe tri asistime.

Në anën tjetër, më i dalluari te Bashkimi ishte Shannon Shorter, i cili e mbylli ndeshjen me 23 pikë dhe katër kërcime.

Pas kësaj ndeshjeje, Bashkimi mbetet me nëntë fitore dhe pesë humbje, ndërsa Bora përmirëson bilancin e saj në gjashtë fitore dhe tetë humbje. /GazetaExpress