Carlo Ancelotti do të vazhdojë të udhëheqë Brazilin deri në Botërorin 2030, pas një marrëveshjeje verbale me CBF.
Trajneri italian pritet të mbërrijë në Rio de Janeiro këtë të premte për të finalizuar detajet burokratike dhe për të nënshkruar kontratën në shkurt.
Federata braziliane ka dërguar një mesazh të qartë: rinovimi i Ancelottit nuk varet nga rezultatet në Botërorin 2026. Menaxhmenti beson se Ancelotti ka rikthyer konkurrencën dhe disiplinën te “Canarinha”.
Detajet kryesore financiare dhe të jetesës:
Pagë: rreth 10 milionë euro në vit, më e larta për një trajner kombëtare.
Bonus për titullin e 2026: 5 milionë euro shtesë nëse Brazili shpallet kampion.
Stil jete: Trajneri do të ruajë lirinë për të ndarë kohën mes familjes në Kanada dhe bazës së tij në Brazil.
Para Botërorit në Shtetet e Bashkuara, Meksikë dhe Kanada, Brazili ka planifikuar dy ndeshje miqësore të larta: ndaj Francës më 26 mars në Boston dhe Kroacisë më 31 mars në Orlando.
Në Botëror 2026, Seleção ndodhet në Grupin C, duke debutuar më 11 qershor ndaj Marokut, më pas ndaj Haitit dhe Skocisë, me qëllimin e qartë: të arrijnë vitin 2030 me yllin e gjashtë në fanellë. /GazetaExpress
