Disa yjet të sportit ishin mysafirë në ahengun e ditëlindjes së 34-të Usain Boltit, i cili u mbajt pa maska dhe pa distancë sociale.
Si pasojë, njeriu më i shpejtë në botë u infektua me koronavirus dhe u detyrua të vetizolohet pasi doli pozitiv, transmeton Gazeta Express.
Në ahengun e Boltit, i cili është në qendër të vëmendjes së mediave botërore për shkak se thuhet të ketë qenë burim i përhapjes së Covid-19, nuk munguan as të famshmit botërorë si Raheem Sterling i Manchester City, Leon Bailey i Bayer Leverkusen, ylli i kriketit Chirs Gayle dhe këngëtari Christopher Martin.
Xhamajka, një ishull me 3 milionë njerëz, i ka regjistruar 1.413 raste me koronavirus dhe 16 të vdekur.
Por vetëm në dy javët e fundit, kryeqyteti i këtij vendi, Kingston, i ka regjistruar 410 raste të reja dhe druhet se virusi ka nisur të shpërndahet me të madhe atje. /Gazeta Express/
Usain Bolt's bday party. No social distance, NO masks! ?? pic.twitter.com/ogqUvk1i9r
