Të nominuarit për çmimet e Topit të Artë 2025 u zbuluan të enjten pasdite.

Bruno Fernandes ka reaguar në rrjetet sociale pasi ka mbetur jashtë garës për Topin e Artë.

Të enjten pasdite, u publikua lista me 30 futbollistët e nominuar për çmimin prestigjioz.

Favoritë të mëdhenj si Ousmane Dembele, Lamine Yamal, Mohamed Salah dhe Raphinha u përfshinë në listë.

Ndërkohë, emra si Scott McTominay, Alexis Mac Allister, Florian Wirtz, Cole Palmer, Virgil van Dijk, Viktor Gyokeres dhe Harry Kane gjithashtu u përfshinë.

Megjithatë, nuk pati vend për kapitenin e Manchester United, Fernandes, pavarësisht paraqitjeve të tij të shkëlqyera për “Djajtë e Kuq” gjatë sezonit 24/25.

Gjatë një sezoni vërtet të mjerueshëm për United, Fernandes arriti të regjistronte 19 gola dhe 19 asistime në 57 ndeshje në të gjitha garat.

Të enjten në mbrëmje, portugezi theu heshtjen duke reaguar ndaj nominimeve për Topin e Artë në rrjetet sociale.

Në llogarinë e tij zyrtare në Instagram, Fernandes ripostoi nominimin e McTominay dhe shkroi: "Jam shumë i lumtur për ty, miku im." /GazetaExpress/