Ylli i Real Madridit, Vinicius Junior, nuk është kurrë larg vëmendjes, por gjatë vitit të fundit ka qenë në qendër të kritikave në rritje, pasi ka pasur vështirësi të gjejë formën e tij më të mirë.
Shoku i skuadrës, Eduardo Camavinga, ka dalë në mbrojtje të brazilianit.
Gjatë një klipi nga ndeshja kundër Sevillas, Camavinga u pa duke protestuar, për çka “El Dia Despues” nga “Movistar+” pretendoi se ishte drejtuar ndaj Viniciusit.
Thuhet se Camavinga po i thoshte: “Nëse qëndron mbrapa, topi humbet aty.”
Pak më pas, Jude Bellingham shihet duke i thënë Camavingas të qetësohet.
Megjithatë, Camavinga e ka mohuar këtë interpretim, duke theksuar se Vinicius nuk ishte objektivi i frustrimit të tij.
Duke iu përgjigjur klipit në “Twitter”/”X”, Camavinga shkroi: “Lëreni në paqe, nuk po flisja për të”.
Deja le en Paz no estaba hablando de El
Nuk është e qartë se për kë po fliste, por atmosfera në “Bernabeu” ishte e tensionuar, me “Los Blancos” që po e kishin të vështirë ta mbyllnin ndeshjen kundër Sevillas.
U vu re se, kur Vinicius – i cili ishte kapiten i skuadrës të shtunën – u zëvendësua, një pjesë e tifozëve reagoi me fishkëllima, gjë që shumëkush e ka interpretuar si frustrim ndaj brazilianit.
Trajneri Xabi Alonso shpjegoi pas ndeshjes se tifozët kanë të drejtë të shprehin mendimin e tyre.
Pas ndeshjes, Vinicius postoi në rrjetet sociale një foto të tij duke dalë nga fusha, të shoqëruar vetëm me tri pika brenda thonjëzave.
Kjo duket se nënkupton se ai nuk ishte i kënaqur me reagimin.
Situata duket se ka ndikuar te Vinicius, i cili aktualisht është në negociata për kontratën me Real Madridin dhe mund të mendojë largimin verën e ardhshme./GazetaExpress/
