Emre Can, mesfushori i Borussia Dortmund, i ka bërë thirrje klubit të tij të mëparshëm, Juventusit, që të firmosë me Jadon Sancho-n, i cili është në një situatë të vështirë te Manchester United dhe pritet të largohet.

Në një intervistë për Gazzetta dello Sport para miqësores së së dielës mes Dortmundit dhe Juventusit, Can tha se nuk do të luajë në ndeshje, por do të jetë në stadium për të takuar miqtë e tij të vjetër. Ai paralajmëroi Juventusin për atmosferën e “mureve të verdhë” në stadiumin e Dortmundit, duke e përshkruar atë si diçka unike që jep “të dridhura”.

Duke folur për Sancho-n, Can tha se ai është një lojtar i veçantë që kombinon teknikën dhe shpejtësinë dhe se do t’i ndihmonte Juventusit të kthehej në rrugën e fitoreve.

Gjithashtu, Can komentoi për talentin e ri të Juventusit, Kenan Yildiz, të cilin klubi e ka refuzuar një ofertë nga Chelsea dhe e përshkroi si një lojtar special me goditje fantastike, duke theksuar rëndësinë e numrit 10 në historinë e Juventusit.

Në fund, ai përmendi edhe Khephren Thuram si një tjetër lojtar të vlefshëm për skuadrën, duke vlerësuar stilin e tij dinamik dhe fizik.

Pra, Emre Can beson se Sancho dhe talentet e rinj si Yildiz dhe Thuram mund ta ndihmojnë Juventusin të rindërtojë një skuadër fituese. /GazetaExpress/