Fabio Capello e ka lavdëruar përforcimin e ri të Milanit, Ardon Jashari.

Ylli shqiptar pritet të nënshkruajë sot kontratë pesëvjeçare me “Rossoneri”, të cilëve kartoni i tij do t’ju kushtojë 38-39 milionë euro, përfshirë këtu edhe bonuset.

E përfaqësuesin zviceran e ka çuar në qiell trajneri legjendar italian, i cili e përshëndeti klubin Kuqezi për këtë “goditje”, shkruan “Gazeta Express”.

“Më duhet ta pranoj se e kam parë vetëm në Ligën e Kampionëve në edicionin e fundit, shumë pak për të pasur qartësi absolute. Por, djaloshi më duket valid, një potencial top në këtë rol për të ardhmen. Pra, një goditje prej Milanit, e them unë”, deklaroi fillimisht Capello për “La Gazzetta dello Sport”.

“Jashari më duket nga një ‘pasta’ tjetër, sinqerisht. Nuk flas për talentin natyral, por për karakterin. Kështu më thonë dhe edhe duke e parë në fushë ta jep përshtypjen e një lojtari që nuk ka frikë nga askush dhe nga asgjë. Jashari është një zviceran me origjinë shqiptare. Shihet se në venat e tij ka puls të gjakut ballkanik”, shtoi duke qeshur trajneri italian.

“Ai ishte spostuar nga shtëpia e tij në Zvicër një herë, kur vitin e kaluar shkoi në Belgjikë. Kjo nënkupton se tashmë e ka demonstruar që ishte në gjendje që aty ku nuk e njihnin të zgjidhej menjëherë lojtari më i mirë i vitit në kampionatin belg, duke luajtur mjaft mirë edhe në Champions. Jashari duket tipi i lojtarit që nuk tërhiqet mbrapa kur duhet t’i nxjerr atributet e tij apo kur duhet të japë diçka më shumë për të fituar”, përfundoi Capello. /Gazeta Express