Dy banorët që janë në nominim, Gimbo dhe Brikena, janë vendosur sot përballë banorëve të tjerë në një konferencë

Dy banorët që janë në nominim, Gimbo dhe Brikena, janë vendosur sot përballë banorëve të tjerë në një konferencë. Ata u janë përgjigjur të gjitha pyetjeve që atyre u janë bërë nga banorët e shtëpisë së “Big Brother VIP 5”.

I pyetur nga Shëndriti se çfarë ndodh me Mateon nëse del ajo, Brikena u shpreh fillimisht se raporti i saj me banorin nuk ka të bëjë me lojën aty brenda.

Më pas shtoi se, ajo mendon se Mateo ka për t’i nxjerrë një nga një të gjithë. Por nuk e la me kaq, pasi Brikena u shpreh e vendosur se do t’a kalojë këtë nominim dhe banorët do t’i nxjerrin së bashku nga shtëpia më e famshme në Shqipëri.

“Unë e kam thënë gjithmonë që raporti im me Mateon nuk ka të bëjë me lojën këtu brenda. Unë mendoj që Mateo si me mua, si pa mua, ja u ftoh të gjithëve këtu brenda, kështu që edhe nëse dal unë, ai lojën e vet e ka shumë të fortë. Është person që i thotë gjërat në fytyrë. Është person i cili ka argumente, edhe është person shumë i sinqertë. Kështu që unë besoj se pa marrë parasysh nëse jam apo nuk jam këtu brenda, Mateo mundet me iu nxjerrë jashtë një nga një të gjithëve. Ama mendoj se kemi me ju nxjerrë jashtë bashkë një nga një të gjithë”, tha Brikena.