Cristiano Ronaldo dhe Lionel Messi e kanë ripërcaktuar futbollin dhe kanë lënë gjurmë të pashlyeshme në çdo ekip ku kanë luajtur.
Ata vazhdojnë të shkëlqejnë respektivisht tek Al Nassr dhe Inter Miami, si dhe me kombëtaret e tyre.
Të dy kryesojnë listën historike të golashënuesve ndërkombëtarë, me portugezin përpara argjentinasit, me rreth 143 gola për Portugalinë dhe mbi 114 për Argjentinën.
Megjithatë, ka disa kombëtare që kanë vuajtur më shumë nga ta se të tjerat.
Edhe pse kontekstet e tyre janë të ndryshme – Messi përballet kryesisht me ekipe të Amerikës së Jugut, ndërsa Ronaldo me ato europiane – ata ndajnë një të përbashkët: qëndrueshmëri të jashtëzakonshme në shënim kundër disa rivalëve të caktuar.
Messi ka realizuar mbi 114 gola për Argjentinën, ndërsa Ronaldo rreth 143 për Portugalinë.
Shumë prej këtyre golave kanë ardhur kundër skuadrave që ata i kanë “ndëshkuar” më shpesh.
Për Messin, Bolivia është “viktima” kryesore me 11 gola; pas saj vjen Ekuadori me 8, Uruguai me 6, Brazili, Kili, Paraguai, Venezuela dhe Estonia me nga 5 .
Këto skuadra, kryesisht nga CONMEBOL, kanë vuajtur më shumë nga argjentinasi, sidomos në eliminatoret e Botërorit dhe turnetë rajonale.
Nga ana tjetër, Ronaldo ka shkëlqyer ndaj: Luksemburgut me 11 gola, Hungarisë me 9, Lituanisë dhe Suedisë me nga 7, Andorrës dhe Armenisë me nga 6 .
Këto shifra tregojnë jo vetëm talentin, por edhe jetëgjatësinë dhe vazhdimësinë e tyre në nivelet më të larta.
Në nivel klubesh, edhe ekipe të tjera kanë ndjerë fuqinë e tyre sulmuese, por të dy kanë një “viktimë” të përbashkët: Sevilla. Messi ka shënuar 38 gola kundër tyre, ndërsa Ronaldo 27.
Dueli i tyre historik vazhdon të ushqejë debatet për më të mirin, dhe kjo pritet të vazhdojë edhe pas pensionimit të tyre.
Duke parë nga e ardhmja, të dy po përgatiten për Kupën e Botës 2026, që do të zhvillohet në SHBA, Meksikë dhe Kanada nga 11 qershori deri më 19 korrik. Ata synojnë paraqitjen e tyre të gjashtë në këtë turne – një rekord historik.
Portugalia do të përballet me Kolumbinë, Uzbekistanin dhe fituesin e “play-offit” ndërkontinental (Xhamajka, Kongo ose Kaledonia e Re). Ndërsa Argjentina, si kampione në fuqi, do të ketë përballë Algjerinë, Austrinë dhe Jordaninë.
Para kësaj, Argjentina e Messit do të zhvillojë miqësore kundër Mauritanisë dhe Zambias në stadiumin “La Bombonera”.
Ndërkohë, Ronaldo pritej të luante kundër Meksikës dhe SHBA-së, por një dëmtim në kofshë e ka lënë jashtë skuadrës për këto ndeshje./GazetaExpress/
